"အခန်း (၁) အပိုဒ်ခွဲ (၇) .....
...........................................................
ပြတင်းပေါက်တခု....
ကောင်လေးတစ်ယောက်......
သူ ထွက်ပေါက်တွေ ရှာဖွေနေခဲ့တယ်.......
နေ့စဉ် လိုလို... နေ့တိုင်းလိုလို
မှောင်မဲတဲ့ သူ့ အခန်းကျဉ်းထဲ သက်တံတွေ တိုးဝင်လာခဲ့တယ်
ရက်စွဲကတော့ ဝိုးတိုး ဝါးတာ ဆိုပေမယ့်... အဲ့ဒီ နေ့က ဘဝ မှာ ထင်းနေတယ်......
သက်တံ့ရောင်တွေ နဲ့ နံရံတွေဖွဲပြီး....
ပန်းရနံ့တွေနဲ့ စီချယ်လိုက်တယ်....
အခန်း တံခါးမှာ သူမ နာမည်ကို ချိတ်ဆွဲလိုက်တယ်....................................
သူမ မြင်နိုင်မလား ကျွန်တော် ဧည့်ခန်းထဲက စောင့်နေတယ်....................................
............................................ "
"အခန်း (၃) အပိုဒ်ခွဲ (၂)
................................................................
လေပြည်တွေ ဝင်တိုးလို့ ခန်းဆီးတွေ ပျော်မြူးသွားတယ်.......
သူမ စိတ်ကူးတွေ ဧည့်ခန်းဆီ ကူးလာတော့
ကျွန်တော် တိတ်တခိုး အော်မြူး ခဲ့ရတယ်......
တဒင်္ဂ ခဏတာပါပဲ......
အဲ့ဒီ ဧည့်ခန်းလေးမှာ မြူတွေနဲ့ ပြည့် နှပ် သွားတယ်.....
သူမ ထင်သလို မမြင်သာခဲ့ဘူးလေ..........................
ကျွန်တော့် ဧည်ခန်းလေး မွန်းကျပ် လွန်းနေတယ်...........
.................................................................................."
"အခန်း (၄ ) အပိုဒ်ခွဲ (၇)
.....................................................................
ဆုံတွေ့ခွင့်တွေက တိမ်ဖုံတဲ့ ည မှာ ကြယ်တွေ မြင်ဖို့ ထက် ရှားပါးတယ်.............
ကြယ်တွေချစ်တဲ့ သူမကို
ခရေတွေ သီကုံးပေးခဲ့တယ်...
ကဗျာတပုဒ်ရယ်.... ပေါင်မုန့် တလုံးရယ်ပေါ့.....
ကာရံ မညီညာလို့.....
သူမ မခံစားခဲ့တာလား...........
အဲ့ဒီ ကဗျာလေးဆုံးတော့...............
ကျွန်တော့် ဧည့်ခန်းလေ... အထီးကျန် ဆန်သွားတယ်....
.................................................................................. "
"အခန်း (၈) အပိုဒ်ခွဲ (၈)
..................................................................................
သက်တမ်းတွေကြာလာလို့လား...
သက်တံတွေက ပိုပို စိမ်းလာတယ်........
နင့်ခံစားချက်လို့ ပြောတဲ့ အဖြူရောင် ပန်းချီကား ချပ်လေးတောင် အစိမ်းရောင် သန်းလို့....
အဓိပါယ်မရှိဘူး သိပေမယ့်.... အရောင်တွေ လိုက်ဖတ်အောင်....
ကဗျာ တပုဒ် ချိတ်ဆွဲ လိုက်ပြန်တယ်....
ကာရံ မညီခဲ့ ပြန်ပါဘူး .... သူမ မခံစားတတ်ခဲ့ ပြန်ပါဘူး......
ကျွန်တော့် ဧည့်ခန်းလေး.. စိမ်းလွန်းလှတယ်.....................
.................................................................................. "
"အခန်း (၁၂) အပိုဒ်ခွဲ (၇)
..................................................................................
သူမ ကြိုက်တတ်မလား လို့
ကော်ဖီခါးခါး တခွက် အဲ့ဒီ အစိမ်းရောင် ဖန်စာပွဲလေးမှာ တင်ထားတယ်....
ကော်ဖီခါးသလို သူမ ခါးသီးတော့မှာလား.......
အဖြေရှာ မရတဲ့ အတွေးတစကြောင့်............
ရေတွက် မရအောင် သကြားတွေ ကျွန်တော် ခိုးခိုး ခပ်လိုက်မိပေမယ့်...
ကျွန်တော့် ဧည့်ခန်းလေးက ခါးသီးလွန်းနေတယ်............
..................................................................................
..................................................................................
..................................................................................
.................................................................................."
ဖတ်လက်စ စာအုပ်ကို ချလိုက်ရင်း.. ဒီနေ့ အခါတိုင်းထက် မွန်းကျပ်နေသလိုခံစားရတယ်.....အခန်းတွင်းအောင်နေတာကြာပြီမို့ ထင်တယ်..... ပြတင်းတံခါးတွေ ကို ဖွင့်ပြီး စားပွဲလေးဘေးမှာ ထိုင်လိုက်တယ်.... စာတအုပ်ကို ကောက်ကိုင်လိုက်တယ်....
" အခန်း (၂၂) အပိုဒ် ခွဲ ....... " ... ကော်ဖီခွက်ထဲ သို့ သကြားတဇွန်းခပ် လိုက်တယ်...............
..................................................................................
~~~ ပြီးပါပြီ ~~~
No comments:
Post a Comment