ပြာ

နင်ကိုယ်တိုင် အဖြေရှာမရတဲ့
နင်ထုတ်တဲ့ ပုစ္ဆာတစ်ပုဒ်မှာ
ငါအောင်မှတ်မရတာပါ...
အဖြေပြောပြီးမှ မေးခွန်းထုတ်ခဲ့တဲ့
ငါ့အမေးကိုတော့
နင် ဆွံအချင်ယောင်ဆောင်ခဲ့တယ်နော်.....

အမုန်းတွေကြားထဲ နင်အိပ်မနေပါနဲ့
ဝေးကွာခြင်းဆိုတာ နင်ဖန်တီးတဲ့
တံတိုင်းတစ်ခုပါ....
မမြင်ရဘူးလို့ နင်ပြောမယ့်အစား
နင်နောက်လှည့်ကြည့်ဖို့ကောင်းတယ်....

စကားတွေမှာ ဓါးသွားတပ်ပြီး
ငါ့နှလုံးသားကို မဖောက်ခွဲပါနဲ့
ငါကိုတော့ သနားသင့်ပါတယ်
တကယ်ဆို
ငါ့ဦးနှောက်ကို နင်စီးနှင်းခဲ့တာ
ငါ့ဘ၀တောင် ငါ့မေ့ခဲ့တယ်....

နင်ရှူရှိက်တဲ့လေတွေထဲမှာ
ငါ့အလွမ်းငွေ့တွေ မှုန်နေတယ်
နေမစောင်းခင် နင်အသိပြောင်းပါဦး
နင့်ညမှာ လင်းလက်ဖို့
ငါ့ကဗျာတွေကို ပြာချပေးမယ်

နင့်အကြည့်မှာ ပျော်ကျသွားတဲ့ငါဟာ...
နင် တန်ဖိုးမထားတဲ့ ပြာပါပဲ....
နင်မထင်ပေမယ့်
ငါလွင့်ပါးသွားတယ်
နင့် သက်ပြင်းလေးတစ်ချက်....မှာပဲ